Рөстәм Миңнеханов “Казан футбол белән яши” ролигын интернетка куйды

Татарстан Президенты Рөстәм Миңнеханов Казанда узучы футбол буенча Дөнья чемпионатына багышланган “Казан футбол белән яши” ролигын инстаграмга куйды.
“Мин барыбызга да матур футбол уены телим, вакытыгызны күңелле үткәрегез. Казанның сезгә ошавын һәм яңадан да бирегә килүегезне телим!”, - дигән Татарстан Президенты.

• Казанга барлык илләрдән 56 мең футбол сөюче килде. Татарстан башкаласының җанатарлар фестивалендә 150 мең чамасы шәһәр халкы һәм читтән килгән кунак булды, диелгән видеороликта.

“Татар-информ”