Рөстәм Миңнеханов хатыны белән Россия Президентын сайлауда катнашты
Татарстан Президенты Рөстәм Миңнеханов хатыны Гөлсинә ханым белән бергә иртәнге 10да Карл Маркс урамында – Туполев исемендәге КНИТУ-КАИның беренче бинасында урнашкан 42нче сайлау участогына килде.Башк...
![Рөстәм Миңнеханов хатыны белән Россия Президентын сайлауда катнашты](http://tatar-inform.tatar/upload/image/2018/03/18/4502.jpg)
Башка сайлаучылар кебек үк, алар үз паспортларын күрсәтеп бюллетеньнәр алды һәм кабиналарга керде. Дөрес, анда озак тормадылар. Берничә секундтан соң һәркайсы тутырылган бланкларны үтә күренмәле урнага салды.
![](http://www.tatar-inform.ru/upload/image/2018/03/18/4540.jpg)
«Барыбызны да бәйрәм белән котлыйм. Россия Президентын сайлау – иң төп сайлау ул», - дип искәртте Татарстан Президенты журналистлар белән аралашканда.
«Кемне сайлаганымны әйтмим. Ярамый. Мин – илебез үсеше дәвам итү яклы. Әле тавыш бирергә өлгермәгән кешеләргә мөрәҗәгать итеп шуны әйтәсем килә: сайлау участокларына килегез», - дип өстәде ул.
![](http://www.tatar-inform.ru/upload/image/2018/03/18/36-33.jpg)
Рөстәм Миңнеханов һәм аның хатынына волонтерлар «Мин тавыш бирдем» дигән беләзекләр тапшырды. Әлеге беләзекләр бүген шәһәр транспортында бушлай йөрү хокукын бирә.
«Татар-информ»
Фото: twitter.com/edkhayrullin, Арсений Маврин
Добавить комментарий