Сливадан тәмле кайнатма!

Бакчаларда слива өлгерә башлады. Әйе, вакыты җитә бит. Бу тәмле җимешне күпләр ярата. Быел аның уңышы мулдан, шулай бит? Танылган аш-су остасы, блогер Мәрьям ханым Миннегулова сары сливадан менә нинди кайнатма ясый икән:

“Төшләреннән арындырганнан соң 3 кг сары сливага 1кг 300 гр шикәр комы салып төнгелеккә калдырам. Иртән торгач 10 минут кайнатып алам, күбеген җыеп атам. Аннан аны суытам. Шуңа тагын 1 кг 300 гр шикәр комы салып 15 минут кайнатам. Күбеге чыкса җыеп атарга киңәш итәм. Газны сүндереп кайнар килеш тагын 1 кг 300 шикәр комы салып болгатып куям. Шикәр комы эреп беткәннән соң кайнатма әзер дигән сүз.

Бик тәмле була!”