Татарстан Президенты Рөстәм Миңнеханов Казахстанга эшлекле сәфәр белән килде

Татарстан Президенты Рөстәм Миңнеханов эшлекле сәфәр белән Петропавловскига килде. Бу хакта республика башлыгы матбугат хезмәте хәбәр итә.
Эшлекле сәфәр кысаларында Рөстәм Миңнеханов Россия һәм Казахстан төбәкара хезмәттәшлеге форумында катнаша.
Татарстан Президенты шулай ук берничә сәнәгать предприятиесендә, шул исәптән «Мунаймаш» акционерлык җәмгыятендә булачак.
Моннан тыш, Рөстәм Миңнеханов һәм форумда катнашучылар Төньяк-Казахстан өлкәсенең сәнәгать потенциалы экспозициясе белән танышачак, шулай ук туризм күргәзмәсен караячак.
"Татар-информ"