Татарстанда боз астына төшеп киткән өч балыкчыны коткардылар

Бүген көндез 112 ашыгыч хезмәтен чакыруның бердәм номеры буенча Әгерҗе районының Кызыл Бор авылы янында өч балыкчының бозга төшеп китүе турында хәбәр иттеләр.
Коткаручылар ир-атлар янына һава мендәрендәге көймәдә барып җиткәндә, ир-атлар үзләре боз астыннан чыга алып, ярдәм көтеп торганнар. 37, 47 һәм 58 яшьлек балыкчыларны Кызыл Бор бистәсенә китерәләр.
Балыкчылар медицина ярдәменә мохтаҗ түгеллеге ачыклана. Хәзерге вакытта бу хәлнең сәбәпләре билгеләнә.