Татарстанда тагын 99 кеше коронавирус йоктырган

Татарстанда Covid-19 инфекциясе белән авыручылар саны биш көн дәвамында артканнан соң, узган тәүлектә бу күрсәткеч кимеде. Узган тәүлектә республикада 99 кеше ковид йоктырган, алдагы көндә 104 кеше авырган булган. Бу хакта стопкоронавирус.рф. порталында хәбәр ителә.
Татарстанда 75 кеше хастаханәгә китерелгән, тагын 58 кеше коронавирустан терелеп хастаханәдән чыккан. Пандемия башланганнан алып, республикада ковид йоктыруның 196 424 очрагы теркәлгән.
Тулырак: https://tatar-inform.tatar/news/tatarstanda-tagyn-99-kese-koronavirus-ioktyrgan-5867026