Татарстанда уртача һава температурасы үсеш кичерә

Татарстанда уртача һава температурасы үсеш кичерә. Бу хакта бүген “Татар-информ” мәгълүмат агентлыгы уздырган матбугат конференциясендә Татарстан Гидрометеорология һәм әйләнә-тирә мохитне күзәтү идарәсенең Гидрометеорология үзәге җитәкчесе Феликс Гоголь хәбәр итте.
“ХХ гасыр уртасыннан алып исәпләгәндә, һава температурасы якынча 3,5 градуска арта бара. 1970 еллардан температура тизрәк үсә башлады һәм һәр 10 ел саен якынча 5 градуска күтәрелә”, - диде Феликс Гоголь.
Аның сүзләренчә, узган 2016 ел ярыйсы ук җылы булган һәм һава температурасы буенча соңгы 60-70 еллардагы уртача температура күрсәткечләре арасында 4 нче урынны биләгән.
Феликс Гоголь явым-төшемнәрнең дә үзгәрештә булуын, әмма республика территориясенә зур йогынты ясарлык яңалыклар булмавын билгеләп үтте.
“Татар-информ”