Татарстанның биш модельеры «Татар Style-2022» фестивалендә костюмнар тәкъдим итәчәк

Бөгелмә драма театры I «Татар Style-2022» этномода фестивалендә катнаша. 25 февральгә билгеләнгән фестивальдә республиканың көньяк-көнчыгышыннан биш модельер үз коллекцияләрен тәкъдим итәчәк. Бу хакта «Татар-информ» агентлыгына театрның әдәби бүлек мөдире Юлия Исмәгыйлева хәбәр итте.
Баталов исемендәге Бөгелмә драма театры фестивальдә Марина Колесник һәм Фагыйлә Ситдыйкованың тегү цехы осталары әзерләгән костюмнар тәкъдим итәчәк. Алар костюмнар буенча театр рәссамы Татьяна Виданова эскизлары буенча тегелгән. Ул Рязань театрында эшләсә дә, инде күп еллар Бөгелмә артистлары белән хезмәттәшлек итә.
«Казан сөлгесе» музыкаль комедиясенә костюмнар әзерләгәндә ул татар костюмы тарихына багышланган китапларга таянып эшләде. Татар милли бизәкләрен (читек, чигүле сөлге, калфак, түбәтәй, хәситә) өйрәнеп, аларга моданың соңгы яңалыкларын кертеп җибәрде», — дип искәртте Юлия Исмәгыйлева.
Сәхнәдә модельерлар татар мәдәнияте элементлары урын алган заманча кием, милли костюм, көндәлек мөселман киеме һәм мөселман туй күлмәкләре тәкъдим итәчәк.
Эльза Кузнецова
Тулырак: https://tatar-inform.tatar/news/culture/25-02-2022/tatarstanny-bish-modeliery-tatar-style-2022-festivalend-kostyumnar-t-k-dim-it-ch-k-5850148