Татарстанның күпфункцияле үзәге чит ил гражданнарын яшәү урыны буенча теркәү хезмәте күрсәтә башлады

Күп функцияле үзәкләрнең республика офисларында яңа хезмәт барлыкка килде – яшәү урыны буенча чит ил гражданнарын һәм гражданлыгы булмаган затларны теркәү. Хәзер Казанга күчеп килгән чит ил кешеләре КФҮгә үзенең килүе турында хакимияткә хәбәр итү өчен генә түгел, ә теркәлүгә гариза бирү өчен дә мөрәҗәгать итә ала.
«Минем документлар» офисы белгеченә кабул итүгә алдан ук Татарстан дәүләт хезмәтләре порталында язылырга яки уңайлы вакытта офиска килергә һәм электрон чират талонын алырга мөмкин.
Теркәлү күчемсез милек объектының урнашкан урыны буенча КФҮдә гамәлгә ашырыла. Хезмәт күрсәтү вакыты өч эш көне тәшкил итә. Гариза биргәндә, үз торак мәйданына теркәүче дә да, теркәлүче дә да булырга тиеш. Теркәлү өчен таләп ителәчәк тулы документлар исемлеге КФҮ сайтында бастырылган.
Моннан тыш, «Минем документлар» офисларында чит ил гражданын яшәү урыны буенча теркәлүдән төшерергә мөмкин, дип хәбәр итәләр учреждениедә.
 
KZN.RU