Ураза бәйрәме котлы булсын!
Санаулы көн тиз уза: Рамазан ае да узып китте. Бүген барлык мөселманнар Ураза бәйрәмен билгеләп уза.
30 марта 2025
Изге Рамазан аенда барлык мөселманнар да яхшырак булырга, күп итеп савап эшләргә омтыла. Аллаһы Тәгалә тоткан уразаларыбызны, биргән сәдакаларыбызны кабул кылсын. Һәрбарчабызга имин тормыш насыйп итсен, җаныбызга нур, күңелләргә яктылык, йортыбызга бәрәкәт бирсен! Барчабызга да сәламәтлек, олы бәхет насыйп итсен! Киләсе Рамазан айларында да күп итеп саваплар эшләргә насыйп булсын.
Бүген Казанның күп кенә мәчетләрендә балалар өчен бәйрәмнәр оештырыла. Ә иң зур чара – “Рамазан Фест” фестивале Г. Камал театрының иске бинасы мәйданында узачак. Бәйрәм 13.00 сәгатьтә башлана.
Добавить комментарий