“Ураза тоткан кешенең догасы кабул булыр...”
Хәерле көн, дуслар. Рамазан аеның беренче җомгасы мөбарәк булсын. Кичә, ягъни 19 февральдә барлык мөселманнар өчен иң изге ай башланды. “Ураза тоткан кешенең йокысы - гыйбадәт, эндәшмәве - тәсбих, гамәле - даими, догасы кабул ителгән, ә гөнаһысы гафу ителгән булыр”,- диелә хәдистә. Шуның өчен изгелекләр кылып, савап эшләргә ашыгыйк.
20 февраль 2026
Сәхәрдән соң укыла торган дога тәкъдим итәбез, саклап куегыз.
“Нәвәйтү ән әсумә саумә шәһри Рамадаанә минәл-фәҗри иләл-мәгъриби хаалисән лилләһи тәгалә”.
Мәгънәсе: “Аллаһы Тәгалә өчен чын күңелдән ният кылдым ошбу көннең фарыз уразасын тотарга, таң атканнан алып кояш баеганчыга тикле”.
Ифтарда, авыз ачканда укыла торган дога:
“Аллаһүммә ләкә сумтү, үә бикә әәмәнтү үә гәләйкә тәүәккәлтү үә гәлә ризкыйкә әфтартү, фәгъфир лии йәә Гаффәәрү мәә каддәмтү үә мәә әххартү. Бирахмәтикә йәә әрхәмәр-раахимиин. Әмин”.
Мәгънәсе: “Әй, Аллаһым! Ошбу уразамны синең өчен генә тоттым һәм Сиңа гына иман китердем, вә Сиңа тәвәккәл кылдым; вә Синең ризыгың белән авыз ачамын. Әй, гөнаһларны ярлыкаучы Раббым! Минем моңа кадәр кылган гөнаһларымны да, соңгыларын да ярлыкасаң иде. Әмин”.
Добавить комментарий