Халык тормышы – халык фотостудиясе объективы аша

Фотографлар арасында массакүләм мәгълүмат чаралары өчен төрле вакыйгалар мизгелләрен туктатып калырга сәләтле профессиональ фотографлар да, һәвәскәрләре дә бар. Фотоаппарат объективы бу вакыйгаларда гади халык кайнаган тормыш мизгелләрен мәңгеләштерә. Безнең ыгы-зыгылы тормышыбызның әлеге мизгелләре җылы һәм җанлы сурәтләрдә кала.

27 февраля 2023

Басмабыз битләрендә алты дистә ел дәвамында рәссам, педагог, фоторәссам, зәркәнче һәм икона язучы Виталий Ковалевский оештырган «Казан» халык фотостудиясендә шөгыльләнүче һәвәскәр фотографлар теркәгән мизгелләр чагылыш таба. Үз эшен яратып, зәвык белән башкарган Виталий Ольгердович инде бакыйлыкка күчсә дә, ул үзе һәм аның укучылары туктаткан мизгелләр фотосурәтләрдә яши.
Беразга гына булса да тормыш мәшәкатьләреннән арынып, фотоларга күз салыгыз – сез анда тирә-ягыбызның иң матур күренешләренә хәйран калырсыз.