ЧАБАГАЧ: ХӘТЕР САНДЫГЫНДАГЫ ЭШ КОРАЛЫ

Елның иң тыгыз вакыты кайчан? Әлбәттә, көз: өлгергән уңышны җыеп алырга, урнаштырырга кирәк. Авыл кешесе өчен бу чор иң җаваплы вакыт булган. Әйе, бүген тормыш бик күпкә җиңелләште. Хәзер кырларда урып‑җыю барганын белмибез дә: заманча комбайннар санаулы көн эчендә эшне төгәлли. Ә бит безнең әби-бабаларыбыз барысын да кул көче белән башкарган. Бүген әнә шул шөгыльләрнең берсе – чабагач белән иген сугу турында сөйләшәбез.