«Татарстан» авыллары

• 
  Таң калдыра Такталачык

  Татарстан, әлбәттә, матур урыннарга бай, әмма искиткеч матурларына ул тагын да баерак. Такталачык авылы кебек оҗмах почмагына килеп эләккәч, моны тагын да шәбрәк аңлый башлыйсың.

  15 июль 2023
• 
  Кармыш: күмәк көч тау күчерә

  Чирмешән районының Кармыш авылына килеп кергәч тә, каршыга очраган бер машинаны туктатып, авыл җирлеге идарәсен сорадык. Рульдәге егет, ике дә уйламыйча, кире борылды да безгә үзе артыннан барырга кушты. Әлбәттә, ул безнең Казаннан килгән журналистлар икәнлекне белмәде. Авыл җирлеге идарәсенә килеп җиткәч: «Менә ул», – дип елмайды. Әле авылның бер кешесен күрмәсәк тә, шул мизгелдә: «Биредә мондый ачык, ярдәмчел кешеләр күпме икән?» – дигән уй килде. Бик тиздән әлеге сорауга җавап та табылды.

  20 июнь 2023
• 
  Борынгы Яңа Тинчәле...

  Дүрт-биш ел элек кенә авыл уртасында чүп чокыры булган урында бүген күл тора. Аның тирә-ягы тотып алынган, шушы матурлык белән хозурланырга беседкалар да ясалган. Моннан тыш, авылда бик матур ял паркы да бар. Гадәти булмаган әлеге күңелле күренешне Буа районының Яңа Тинчәле авылында күреп кайттык. Аларны кем ясаган? Нинди акчага? Сораулар күп туды...

  23 май 2023
• 
  Татар Танае: ел саен су баса...

  Яшел Үзәннең Татар Танае авылының кайбер урамнарын ел саен су баса. Татар Танае Шналы (Шеланда) һәм Гөбенә елгалары арасында утыра. Гөбенә ярларыннан ташып чыгып, суы авылга кадәр керә икән. Март уртасында биредә булып, авыл халкының сөенүен күрдек: «Быел кар аз булды, йортларга су кермәс ахры», – диде алар. Ләкин ике көннән Рәшит абый Габдерәхимов видео җибәрде – бөтен ихаталары су эчендә калган. «Бүген төнлә авылга таба су килә башлады. Иртәнге сәгать дүрттә күршеләр белән умарталарны күчердек. Аллага тапшырган инде...», – дип язды.

  19 апрель 2023
• 
  Чутай

  Ул көнне мартның иртәсе буранлы иде. Балтачка җиткәндә ябалак-ябалак кар явуыннан туктады. Чутайга кергәндә инде ялтырап яз кояшы чыкты – авыл безне «елмаеп» каршы алды.

  13 март 2023
• 
  Кече Кайбыч, ни хәлең бар?

  Бу якларны белмәүчеләр Кече Кайбычны район үзәге дип уйларга мөмкин. Ә район үзәге Олы Кайбыч санала, аңлашыла ки, анысы күпкә зуррак. Ике Кайбычны нибары дүрт чакрым юл аерып тора. Кече Кайбыч ничек яши? Аны олы абыйсы «йотмыймы»? Бу якларга сәяхәт кылып кайттык.

  21 февраль 2023
• 
  Балтач, Юлсубино – бер авылның ике исеме

  Яңа елда да татар авыллары буенча сәяхәтләребезне дәвам итәбез. Бу юлы без Балтачны сайладык. Юк, Балтач районын түгел, ә Балык Бистәсе районында шундый исемле авыл бар. Дөрес, аны Юлсубино дип тә атыйлар. Ник алай бер авылга ике исем бирелгән? Биредә халык ничек яши?

  26 гыйнвар 2023
• 
  Яңа Иштирәкнең яңа юлы

  Егерме дүрт градус суыкта сәфәргә кузгалдык. Юл озын – Лениногорск районының Яңа Иштирәк авылына кадәр Казаннан 300 чакрым тирәсе. Башта икеләнеп тә калган идек,әллә бармаска инде? Ләкин бер җыенгач тәвәккәлләдек. Авыл халкы да киләсебезне белеп, көтеп тора. Вәгъдә – иман бит.

  21 декабрь 2022
• 
  Яңа Кенәр: чын ирләр монда яши

  Һәр районның зур, атаклы авыллары бар. Арча районының Яңа Кенәр авылы әнә шундыйлар рәтендә. Заманында ул хәтта район үзәге булып торган. Бүген авыл ничек яши? Ни өчен борчыла? Нәрсәгә сөенә?

  22 ноябрь 2022
• 
  Каргалы Карга

  Әлки районында Карга исемле авыл бар. Иң кызыгы – бу авылны каргалар үз иткән.

  10 ноябрь 2022
• 
  Каргалы Карга

  Әлки районында Карга исемле авыл бар. Иң кызыгы – бу авылны каргалар үз иткән. «Бөтен район каргалары бездә», – ди җирле халык. Аеруча көзен күбәяләр икән. Каргада тагын кемнәрне, ниләрне күрдек? Төзек, матур авылда яшәүчеләр нәрсә турында хыяллана? Шушы сорауларга җавап табып кайттык.

  24 октябрь 2022
• 
  Карашәм – яктылыкка таба...

  «Мондый матурлыкны бүтән бер авылда да күрә алмыйсыз, килегез әле», – дип, бер укучыбыз күп итеп фотолар җибәрде. Чынлап та, кулдан ясалган сыннарны күреп гаҗәпкә калдык. Укучыбыз киңәшен тотып, Яшел Үзәннең Карашәм авылына – әкият иленә барырга булдык.

  20 сентябрь 2022
• 
  Келәнче – тарихны торгызу...

  Гел күзәтәм – һәр район үзенчә, башкалардан нәрсә белән булса да аерыла. Халкының яшәү рәвеше, холык-фигыленнән башлап, авыл, урамнарына кадәр төрле. Кама Тамагының Келәнче авылы турындагы хатирәләр дә күңелдә әле озак сакланачак...

  17 август 2022
• 
  Иске Ибрай: зур авылның олы даны сакланырмы?

  Бөтен республикага атаклы зур авыллар бар. Аксубай районының Иске Ибрай авылы әнә шундыйлардан. Быелгысы уку елында урта мәктәптә 157 укучы белем алган, бу бер Иске Ибрай авылы балалары гына. Ләкин җирле халык өчен әлеге сан зур түгел: 1970 нче елларда белем йортында 1 мең 200 бала укыган. Данлыклы авылның бүгенгесе ничек? Нинди проблемалар белән яши? Иске Ибрайга баргач, әнә шуларны ачыкларга тырыштык.

  15 июль 2022
• 
  Түбән Ушмы: урам тулы бала‑чага

  Кызганыч ки, кайбер авылларга баргач, буп‑буш урамнар каршы ала. Ничә сәгать йөреп тә бер‑ике кеше очратырга мөмкин. Мамадыш районының Түбән Ушмы авылында исә хәл бүтәнчә: урам тулы кеше. Аеруча балалар күп, монысы бигрәк күңелле.

  15 июнь 2022