Игелекле

• 
  Закир Шаһбан: көч нидә сынала?

  Моннан берничә ел элек Татарстанның атказанган артисты Закир Шаһбан белән бер бәйрәмдә якыннан аралашырга туры килде. Шулвакыт аның эчке культурасына, зыялылыгына шаккаттым. Тагын бер нәрсә гаҗәпкә калдырды: тумыштан күрмәүче Закир абый бик мөстәкыйль икән. Өйдә ул сау ирләрнең дә күбесе эшләмәгән хезмәтләрне үти: үз‑үзен караудан башлап, коммуналь хезмәтләр өчен интернет аша акча күчерүгә кадәр, ә кызы кечкенә чагында аңа дәрес әзерләшкән. Закир абый – гаиләнең төп туендыручысы да.

  21 февраля 2023
• Владимир Вавилов һәм ул төзегән йорт

  Балаңның үлеменә күнегеп буламы? Берничек тә булмый... Әмма яраткан балаңның соңгы минутларында аның янәшәсендә булмау, күзләреннән үбеп саубуллашырга өлгермәү, иң авыр мизгелләрен җиңеләйтә алмау – үзәк өзгече шул... Владимир Вавилов мондый балалар өчен (соңрак өлкәннәр бүлеге дә ачыла) паллиатив ярдәм күрсәтелә торган хоспис төзи, «Дом без боли» дип атала ул. Ләкин иң элек, лейкемия белән авырып, әтисе белән хушлашу мөмкинлеге ала алмыйча үлеп киткән кызы – Анжела Вавилова исемендәге фонд оештыра.

  21 февраля 2023
• Кеше булып калырга...

  Кайвакыт язмыш кешегә бик зур сынаулар әзерләп куя. Бик куркыныч югалтуларга юлыктыра. Ирегеңне югалту. Сәламәтлегеңне югалту. Хәрәкәт итү сәләтеңне югалту. Өеңне югалту. Мәхәббәтеңне югалту. Бик якын кешеләреңне югалту. Кешеләргә, тормышка ышанычыңны югалту… Мондый кайгы-хәсрәт бездән эчкече дә, хыянәтче дә, үч алучы да, үтерүче дә, хәтта үз-үзеңә кул салучы да ясарга сәләтле. Мондый мизгелләрдә дөнья җимерелә һәм тирә-юнебез караңгылана. Без көчсезрәк, рәхимсезрәккә яисә, киресенчә, көчлерәккә әйләнеп, бөтенләй үзгәрәбез... «Ачы югалтуларга, өметсезлек һәм газапларга карамастан, иң мөһиме – Кеше булып кала алу», – диләр геройларыбыз.

  21 февраля 2023
• 
  Константин Карповның «аеруча мөһим» эшләре

  Авыр вакытларга, кырыс заманнарга, кайчак түзеп булмаслык тормыш шартларына да карамастан, зарланмый-сукранмый, үз юлларында очраган бөтен кыенлыкны җиңеп, әлеге буын кешеләре алга атлаган, дөньяны ямьлерәк, уңайлырак итәргә омтылган. Алар юллар төзегән, күперләр сузган, электростанцияләр, заводлар салган, яу кырларында ватанны саклаган, самолётлар җыйган, сугыштан соңгы хәрабәләрне, җимереклекләрне күтәргән. «Татарстан», үзенең каһарман якташлары белән очрашып, сезне әлеге фидакарь буынның маҗаралар тулы тормыш юлы белән таныштыруны дәвам итә.

  21 февраля 2023
• Бер гимнның ике юбилее

  Татарстан гимны быел икеләтә юбилеен билгеләп үтә: композитор Рөстәм Яхин 1970 елда ук Рамазан Байтимеровның «Туган ягым» шигыренә язган көй 30 ел элек гимн итеп раслана. Һәм тагын 20 елдан соң гына «Туган ягым» шигыренең сүзләре музыкага рәсми кушыла һәм республика гимны текстына әйләнә. Менә шундый кызыклы тарих.

  21 февраля 2023
• 
  Курайчыга сүз әйтмәгез...

  Ятим бала моңлы була, ди халкыбыз. Бүгенге көндә Казанның Тынычлык бистәсендә яшәүче Рафаэль Гайзетдинов, тулы ятимлектә үсмәсә дә, әнисез калуның ни икәнен бик яхшы белә. Малайга бер яшь чагында әнисе вафат була. Рафаэль әтисе, үги әнисе тәрбиясендә үсә. Нечкә күңелле малай әле укырга кергәнче үк таш сыбызгыда уйнарга өйрәнә. Аннан кулына гармун ала, соңрак исә – курай. Нәтиҗәдә, бүген ул республиканың иң атаклы (бердәнбер дисәм дә, арттыру булмас!) курай ясаучысы. Казанның Тынычлык бистәсендә үзенең остаханәсе бар.

  21 февраля 2023
• 
  Игезәкләр сүзсез аңлаша*

  Ярты гасыр элек Татарстан студентларыннан тупланган авыл хуҗалыгы отрядлары, уңыш җыюда булышу өчен, беренче тапкыр Әстерхан өлкәсенә юл тота. Безнең төзелеш отрядларының авыллар, бөтен ил үсешенә керткән өлешен сумнарда да, километрларда да, тонналарда да хисаплап бетерерлек түгел. Аларны яшь эшче көчләр буларак кына түгел, ә халыкка культура алып килүче көч буларак та югары бәялиләр. Студентлар авыл кешеләре өчен лекцияләр укый, үзешчән сәнгать концертлары, дискотекалар, җыр фестивальләре, төрле түгәрәкләр һәм спорт ярышлары оештыра – Әстерхан өлкәсе 18 еллык Татарстан сезоннарын беркайчан да онытмаячак.

  27 января 2023
• 
  Игезәкләр сүзсез аңлаша

  Лениногорск районының Яңа Иштирәк авылында сигез пар игезәк бар. Суы шундыймы, һавасымы, тәгаен генә әйтә алмадылар. Ә менә Нурсинә һәм Тәбрис Гаффановлар гаиләсендә бер‑бер артлы ике тапкыр игезәкләр туа: Айрат белән Азат, Наил белән Наилә. Туганнар бүген кайда, ничек яши? Бер-берсенә нинди мөнәсәбәттә? Яңа Иштирәккә баргач әнә шундый кызыклы язмышлар белән танышып кайттык.

  27 января 2023
• 
  Шаян-шуклар хыялы – безнең киләчәк

  Без югары тизлекләр һәм турбулентлык дөньясында яшибез. 10–20 елдан соң аның нинди булачагын күз алдына китерү дә кыен. Ләкин өлкәннәр бик сак фараз кылганда, «ДжуниорЛайф» кино сәнгате мәктәбендә белем алучы малай һәм кызларның хыялларына чикләр юк! Иҗат эше аларны нәкъ әнә шуңа өйрәтә бит.

  26 января 2023
• 
  Өй салуның ние бар...

  Фоат Закиров тудырган матурлыкны күргәч, мәгълүм шул гыйбарә искә төште. Бер йортны ул күп дигәндә бер айда җиткезә. Ә чана, арба, мотоцикл ясау өчен аңа берничә көн дә җитә. Әлбәттә, сүз бу әйберләрнең кечерәйтелгән күчермәләре турында бара. Останы теләсә нинди агач «тыңлый»...

  05 января 2023
• 
  Аш бар җирдә бәрәкәт бар

  Мобилизацияләнгән татарстанлыларны «Полигон» хәрби часте территориясендә атна саен төш вакытында төрле милли тәм-томнар һәм, өстәвенә, еш кына концерт белән дә сыйлыйлар. Ватанны саклаучылар өчен «милли кухня» инициаторлары – Татарстан халыклары ассамблеясе, Дуслык йорты һәм республикадагы милли-мәдәни берләшмәләр вәкилләре. Удмурт, үзбәк, таҗик, азәрбайҗан җәмгыятьләре вәкилләре мобилизацияләнгән ир-егетләрне милли ризыклар белән сыйлаган инде.

  21 декабря 2022
• 
  Татарстанда рок яратучылар өчен онлайн-бәйрәм

  Быел 25 яшен каршылаган «Волга-Волга» ВИА ел азагында гастрольләр белән бөтен Россияне диярлек йөреп чыкты. Ә әлеге юбилей туры Казанда «Волга-Волга» студиясендә кечкенә генә онлайн-концерт белән башланып китте. Бәйрәмдә төркемнең сәнгать җитәкчесе һәм алыштыргысыз солисты Антон Салакаев Татарстанның төрле буынга караган атаклы музыкаль төркемнәрне чакырган иде. Вакыт ягы чикләнмәсә, алар шактый күбрәк булыр иде, дип билгеләп үтте ул. Ә «КуЛай» төркеме солисты Эдуард Фазылҗановның «Рок-н-роллда пенсия яше юк!» дигән сүзләре бу очрашуның девизына әйләнде. Бу шигарь төрле буын татарстанлылар өчен яңгыраган җырларны туплады. Үз тарихында җирле вокаль-инструменталь ансамбльләрнең бөтенесен дә күргән «Татарстан» журналы, әлбәттә инде, мондый вакыйганы күрмәмешкә салышып узып китә алмады һәм аның үзәгендә кайнады. Музыкантлар җырлап кына калмады, редакция сорауларына җавап бирә-бирә, журнал укучыларына үз иҗатлары турында да сөйләде.

  21 декабря 2022
• 
  Һәр заманның – үз җыры

  Егерменче гасырның 60 нчы елларында Казанда беренче рок-төркемнәр һәм вокаль-инструменталь ансамбльләр пәйда була. ТАССРда татар телендә «чын» рок-музыка турында сөйләргә иртәрәк булса да, вокаль-инструменталь ансамбльләр актый: «Орфей», «Идел», «Казан утлары» һәм «Сәйяр» ансамбленең беренче составы. Татар җырлары совет эстрадасы көйләренә һәм ритмнарына торган саен күбрәк иярә бара, шуңа күрә ул чакта популяр булган көйләрдә твист, фокстрот, хәтта ки арт-рок элементларын ишетергә мөмкин. Бүген без үткәннәргә күз салып, бик күп җырчы һәм музыкантларга сәнгать дөньясына юл ачкан ике иң популяр ансамбль турында сөйләргә булдык.

  21 декабря 2022
• 
  Аның хәтер ярлары

  Фәрит Гайнуллин – Орск‑Хәлил металлургия комбинаты (хәзер «Урал корычы» АҖ) ветераны, күп сынаулар кичергән буын вәкиле. Сугыштан соңгы авыр елларда вакытыннан алда өлкәнәйгән һәм ныгыган, күп кыенлыклар күргән, әмма һәр кеше Җирдә үзеннән соң игелекле эз калдырырга тиеш, дип инанган малайлар кавеменнән ул.

  21 декабря 2022
• 
  «Динамо»дан 10 яшькә яшь

  Аклы-каралы фотодан грек алиһәләре – студент-спортчы-комсомол кызлар карап тора. Бишенче номерлысы – сары чәчле чибәркәй Инесса. Шул чакта, Мәскәү университетында укыган 1950 нче елларда, кыз үзенең язмышын баскетбол белән бәйли, гомерлек мәхәббәтен дә очрата.

  21 декабря 2022