Редакция кухнясы

Гадел Хәеров Лев Толстойны сыйлый

Еш кына рухи азык физик тәгамгә әйләнергә мөмкин. Иң туры мәгънәсендә. Кайвакыт нәфис әдәбиятта тәмле ризык әзерләү шундый мавыктыргыч итеп сурәтләнә ки, һичшиксез аны үзеңнең дә авыз итәсең килә башлый. Безнең очракта китап та, герой да, ризык та, урын да бер ноктада тупланган булып чыкты. Әлеге тәгам белән яшь һәм әле сакалсыз Лев Толстойны сәүдәгәр хатын Анфиса Бородулинаның Казан (хәзерге Миславский) урамындагы йортында сыйлаганнар, ул аның кызы Настасьяга илтифат күрсәтеп йөргән икән. Хәзер биредә кафе‑музей урнашкан. Шунда ук кечкенә генә кунакханә дә эшли, анда «Морзалар», «Сәүдәгәрләр», «Ханнар» номерлары гына түгел, «Язучылар» номеры да бар. Безнең язучыбыз Гадел Хәеров иртүк нәкъ шул бүлмәдән чыкты да, җиңнәрен сызганып, «Татарстан» журналын графларча сыйларга вәгъдә бирде!

21 октября 2021

Олег Третьяковтан марича бизнес-ланч

Туган телләр һәм халыклар бердәмлеге елында «Татарстан» журналының редакция кухнясы төрле милләт аш-сулары белән яхшырак танышырга карар кылды. Әлеге тәмле юлда беренче булып мари кухнясы очрады. Һәм юкка гына түгел. Татарстан марилары – иң тәртипле, төгәл халык. «Марича бизнес-ланч көтәчәк – сыйланырга әзерләнә торыгыз», – дип әйткәннәр икән, димәк, шулай булачак та!

05 мая 2021

«Гагаринга уха пешердем!»

Юрий Гагаринны Татарстанда нәрсә белән сыйлаганнар

19 апреля 2021

Лилия Галимова гөбәдия пешерә

Якынлашып килүче Ватанны саклаучылар көне уңаеннан «Татарстан» журналы Татарстан Республикасы Президентының матбугат хезмәте җитәкчесе Лилия Галимова белән татар халык ашы – гөбәдия пешерде.

26 февраля 2021

«Татарстан» журналыннан «Татарстан» торты

Ниһаять! 2020 елның декабрендә республиканың төп журналы үзенең йөзьеллык юбилеен бәйрәм итә – без үзебезне дә, укучыларыбызны да туган көнебез белән котлыйбыз! Ерак 1920 елның салкын декабрендә журналның беренче саны дөнья күргән, аңа «Вестник Татарского областкома РКП (б) » дигән бик озын исем бирелгән.

19 января 2021

Буа башлыгыннан яшелчәләр белән пешкән сарык ите

Ит ит инде – тагын ни кирәк! Чын ирләр ашы! Буага без шундый ризык ашарга бардык – анда тәмле пешерәләр. Күрәсең, шуңадыр да шәһәрдә адым саен кафе-ресторан эшли, аларның һәркайсының менюсында башка берни белән дә чагыштырып булмый торган үз ризыгы бар. Ә менә район башлыгы Рәнис Кәмәртдиновның яраткан ризыгы – яшелчәләр белән пешерелгән сарык ите.

07 декабря 2020

Болгарча ханнар ухасы

Болгарны күрмәгән кеше сирәктер. Әйе, Ак пулат, Кара Пулат, Ханнар төрбәсе, Икмәк музее, аның янәшәсендәге Ак мәчетне, һичшиксез, күрергә кирәк. Шуның белән бергә Габдрахман коесын да читләтеп үтмәгез. Суы шифалы, теләкләр кабул була, диләр. Ә безгә шушы изге урында уха пешерү бәхетен насыйп итте...

19 августа 2020

Зилә Вәлиева: «Ашаган да белә, тураган да белә»

Бүген «Татарстан»ның «Аш-су бүлмәсе»ндә узган гасырның 90 нчы еллары белән бәйләргә булдык. Баш пешекче алъяпкычын ТР Иҗтимагый палатасы рәисе Зилә Вәлиева киде. Ул хәзер шушы вазыйфада. Ә телгә алынган 90 нчы елларда исә, «Википедия» әйтүенчә, Зилә Вәлиева – «Татарстан Республикасының иң йогынтылы сәясәтче ханымы» була.

03 июня 2020

Хикмәтле бәрәңге бөккәне

Балан орлыгын киптереп он ясаганыгыз бармы? Ә тары ярмасыннан? Өлкән буын, әле ясамаса да, ишеткәне бардыр. Ә яшьләргә килгәндә, юктыр дип беләм. Һәрхәлдә, минем ишеткәнем дә юк иде... Шагыйрә, Татарстанның атказанган сәнгать эшлеклесе – Эльмира Шәрифуллина онытыла барган ризыклар турында сөйләде. Шагыйрәнең аш‑су бүлмәсендә бәрәңге бөккәне пешердек.

02 марта 2020

Мөслим районы башлыгыннан кабатланмас мөслим казы

Сезнең кайчан да булса Мөслим казын авыз иткәнегез бармы? Алма һәм караҗимеш тутырылганын? Мондый казны Яңа ел бәйрәменә дә, иске Яңа елга да, күркәм гаилә мәҗлесләренә дә әзерләргә була. Мөслимдә шулай! Чөнки район каз үрчетү буенча алдынгы урыннарда бара – аны биредә борын-борыннан үз итәләр, кайчандыр бу затлы кошны өйләргә кертеп, ай буе сәке астындагы ояда утыртып, бәбкә чыгартканнар. Шунлыктан инде сез Мөслимгә килеп эләккәнсез икән, әзер булыгыз! Каздан авыз итми калмаячаксыз!

05 февраля 2020

Яңа ел табынына – «Без» салаты

Яңа ел җитәргә санаулы сәгатьләр генә калып бара. Инде бүләкләр хәстәрләп өлгергәнсездер, шәт. Хәзер иң мөһиме – Яңа ел табынын әзерләү. Без, хатын-кызлар, моңа аеруча җитди якын киләбез: ризыкны үзенчәлекле дә, җиңел дә итәсебез килә. Яңа ел алдыннан «Татарстан» редакциясе телевидениесе алып баручысы, мөхәррир Айгөл Нәбиуллинада кунакта булдык. Шигъри җанлы ханым белән «Без» салаты ясадык.

26 декабря 2019

Арыш ипие – иң кадерле сый

Халык әйтсә, хак әйтә: «Кара икмәккә туйгач, ач түгел» «Пешкән арыш икмәгенең исе – һәр чәчәктән хуш исле»

31 октября 2019

Татарстанның мәдәният министрыннан азәрбайҗанча пылау

«Татарстан»ның редакция кухнясында» бүген тәмле ризык кына түгел, мәдәни программа да әзерләнә. Башкача булуы мөмкин дә түгел, чөнки бүген кулинария бәйрәмен Татарстанның мәдәният министры Ирада Әюпова үзе оештыра бит!

08 октября 2019

Сарык итен – яшелчә белән

Корбан бәйрәме узып китте. Нәкъ шушы чорда, елга бер тапкыр булса да, бик күпләр сарык итен авыз итеп карый. Ни өчендер соңгы елларда сарык ите ашамый башладык. Югыйсә, әле егерме ел элек кенә ул иң киң кулланыла торган ризыкларның берсе иде, бигрәк тә җәй айларында. Күпләр сарык итенең аерым бер тәмен яратмый.

03 сентября 2019

Галимнәр итле бәрәңгене ничек әзерли?

Редакциябезнең күптәнге дусты Фаяз абый Хуҗинга һәрчак сокланып калабыз. Идел буе Болгар дәүләте, Алтын Урда һәм Казан ханлыгы археологиясен өйрәнгән санаулы галимнәрнең берсе ул. «Редакция кухнясы» нда берәр тәмле ризык пешерергә тәкъдим иткәч тә, Фаяз абый каршы килмәде.

22 июля 2019